Londër, 19 qershor - Arsenali shpreson të kompletojë transferimin e sulmuesit të Real Madridit, Gonzalo Higuain, gjatë kësaj jave.

Daily Mail shkruan se argjentinasi tashmë ka arritur marrëveshje me klubin londinez për kushtet personale.

Tash duket se gjithë çfarë ka mbetur është shuma e transferimit që duhet të zgjidhet në mes të Arsenalit dhe Real Madridit, e që spekulohet të jetë rreth 30 milionë euro.

Topçinjtë, që shpresojnë të mbajnë dyshen mbrojtëse Bacary Sagna dhe Laurent Koscielny për sezonin e ardhshëm, pritet këtë javë të mbyllin negociatat edhe me Real Madridin dhe të kompletojnë transferimin.