Londër, 9 korrik - Arsene Wenger ka kontaktuar zyrtarisht me Liverpool për të bërë një ofertë për Luis Suarez.

Mediat britanike flasin edhe për një ofertë zyrtare prej 35 milionë eurosh në tavolinën e 18 herë kampionëve të Anglisë, por një gjë e tillë mohohet nga \"Topçinjtë\". Londinezët kanë pranuar interesimin, por jo propozimin zyrtar.

Wenger është një admirues i Suarez dhe po monitoron nga afër uruguaianin në rast të një largimi nga Anfield Road.

Megjithatë, objektivi kryesor i Arsenalit mbetet Gonzalo Higuain. Me bomberin e Real Madrid është arritur prej kohësh akordi, por presidenti Florentino Perez ka frenuar tratativën.