Madrid, 11 prill - Sipas asaj që raportojnë mediat spanjolle, trajneri italian i Paris Saint Germain, Carlo Ancelotti ka firmosur një parakontratë me ekipin e Real Madrid për sezonin e ardhshëm.

Ky lajm për momentin nuk konfirmohet nga drejtues të klubit \"Los Blancos\", por sipas mediave iberike, mbetet të përcaktohet nëse drejtuesit e sheikët e parizienëve dëshirojnë të ndryshojnë trajner.

Për të zëvëndësuar Jose Mourinhon në stolin e Real Madrid ditët e fundit është lakuar shumë edhe emri i ish ndihmësit të tij te Porto, aktualisht trajner i Tottenham, Andre Villas Boas.