Paris, 11 dhjetor - Trajneri i Paris Saint Germain (PSG), Carlo Anceloti ka përgënjeshtruar se në janar në radhët e klubit të tyre do të vij mesfushori i Interit, Vesli Snejider.

Gazeta franceze L`Eqipue ka shkruar se drejtori i PSG, Leonardo, i cili gjashtë muaj ka drejtuar klubin milanez kishte vendosur kontaktet me mesfushorin holandez.

“Periudha e transfereve dimërore, është shumë e qartë për klubin tonë. Tek ne vjen vetëm Lukas Mura dhe askush tjetër. Snejider ka cilësitë e tij si futbollistë, por ai nuk vjen tek ne”, ka theksuar Anceloti. Mura, është një talent 20 vjeçar nga Brazili, për të cilin janë paguar mbi 45 milion euro.