Barcelonë, 9 tetor - Mbrojtësi i djathtë i Barcelonës, Daniel Alves pritet të qëndrojë jashtë fushave për tri javë, pas lëndimit që pësoi në barazimin 2-2 me Real Madridin në El Clasico, të dielën mbrëma në Nou Camp.

Alves u nxor nga loja në minutën e 27-të duke ia liruar vendin të riut Martin Montoya dhe Barcelona ka publikuar një komunikatë, me të cilën ka njoftuar se Alves duhet të pushojë për tri javë.

“Dani Alves do të mungojë për tri javë. Braziliani ka pësuar tërheqje muskulore në kofshën e këmbës së majtë”, thuhej në komunikatën e publikuar në uebfaqen zyrtare të Barcelonës.