Milano, 24 shtator - Trajneri i Milanit, Masimiliano Allegri ka deklaruar se nuk është fajtor për lojën e keqe të ekipit të tij.

Milani pësoi humbjen e radhës prej 2:1 në xhiron e fundit të kampionatit kundër Udinezes.

\"Për të folur për largimin tim është diçka e pakuptimtë, për shkak se unë nuk vendos diçka. Asnjëherë nuk kam pasur probleme me klubin, dhe siç e di, nuk ka probleme me mua as klubi. Nuk ndjehem fajtor dhe as viktimë. Kemi humbur me Udineze, por kemi luajtur guxishëm\", ka theksuar Allegri.

Ai ka thënë se klubi akoma ka kohë për tu kthyer në rrugën e duhur, edhe pse tashmë i mungojnë Ibrahimoviq, Tiago dhe Cassano. Se nuk largohet Allegri, këtë e ka pohuar edhe nënkryetari i klubit Adriano Galiani, i cili ka theksuar se vazhdojnë me këtë trajner dhe se ai ka besimin e plotë të menaxhmentit dhe kryesisë së Milanit.