Milano, 6 shkurt - Trajneri i Milanit, Massimiliano Allegri, ka pranuar se Zlatan Ibrahimoviqi e meritoi kartonin e kuq në barazimin pa gola ndaj Napolit.

Sulmuesi suedez u përjashtua në minutën e 64, për shkak të sjelljes josportive ndaj Salvatore Aronicas, ndërsa pritet që të suspendohet në disa takime të ardhshme.

“Jam i kënaqur me Rizzolin (arbitrin e ndeshjes). Nuk kam parë asgjë në atë moment, por pasi e shikova në TV, Ibra e meritoi përjashtimin”.

“Nuk shqetësohem për mungesën e tij, edhe pse është lojtar kyç për ne”, ka thënë Allegri për Sky Sport Italia.