Madrid, 18 korrik - Sergio Aguero është ende shënjestër e Real Madridit. Edhe pse ka kontratë me Manchester Cityn deri në vitin 2017, Merengues nuk kanë hequr dorë nga sulmuesi argjentinas.

Sipas të përditshmes ‘A Bola’, presidenti i ‘Los Blancos’, Florentino Perez po e përgatit një strategji për ta rikthyer në Spanjë ish futbollistin e Atletico Madridit.

Carlo Ancelotti e ka kërkuar një sulmues, pas largimit eventual të Gonzalo Higuainit. Pasi dështoi ta transferonte Edinson Cavanit, ‘Kun’ është alternativa tjetër bashkë me Lus Suarezin e Liverpoolit.