Madrid, 26 mars - Aventura e Serxhio Agueros në kampionatin anglez duket se i ka ardhur fundi.

Sipas të përditshmes spanjolle “AS”, ylli argjentinas kërkon që të rikthehet në Spanjë, këtë radhë për të luajtur me Real Madrid.

Sezoni i dobët i Mançester Sitit duket se ka ndikur që Aguero të kërkojë të largohet nga Anglia, për të pasur mundësi që të luftojë për trofe të rëndësishëm, sidomos në Europë, ku Siti ka dështuar në mënyrë spektakolare këty dy vitet e fundit.

Reali ka shfaqur prej kohësh interes për argjentinasin dhe duket se tashmë janë pjekur kushtet që ky transferim të ndodhë.

Megjithatë, Mançester Siti vështirë se do të dorëzohet lehtë për ta lënë Agueron që të largohet, duke qenë se e konsideron atë si lojtarin e vet më të rëndësishëm.