Berlin, 27 shkurt - Ibrahim Afellay nuk do të vazhdojë të luajë në Schalke 04 edhe sezonin e ardhshëm.

Tabloidi gjerman Bild njofton se klubi nga Bundesliga nuk e ka ndërmend ta blejë përfundimisht futbollistin holandez.

Drejtori sportiv i Schalkes, Horst Heldt ka plane tjera, duke e hedhur poshtë mundësinë që ta blejë gjatë verës Afellayn.

Aktualisht, përfaqësuesi holandez është në pronësi të Barcelonës, ndërsa është huazuar në Schalke për një sezon.

Gjatë verës, ai pritet të rikthehet në klubin katalunas, por mund të huazohet sërish ose të shitet në një klub tjetër, pasi që as Barça nuk llogarit në shërbimet e tij.