Londër, 9 nëntor - Sulmuesi nga Togo, Emmanuel Adebayor, e ka lëvduar trajnerin e Tottenhamit, Harry Redknapp, duke e krahasuar atë me menaxherin e Real Madridit, Jose Mourinho.

Gjysmësezonin e kaluar, Adebayor e kaloi si i huazuar në Bernabeu, ndërsa këtë sezon është huazuar te Spursat.

“Harry Redknapp është një top-menaxher. Do ta vendosja atë pranë Mourinhos për mënyrën se si i trajton lojtarët. Ai të jep vetëbesim të plotë”, njoftoi Telegraf.

“Ai po ashtu di si të flasë me lojtarët dhe kjo e bën atë të veçantë”

“Kam respekt të madh për Mouronhon. Kam mësuar shumë te Real Madridi”, ka thënë sulmuesi që është në pronësi të Manchester Cityt.