Tottenham, 26 gusht - Tottenhami ka konfirmuar se ka kompletuar transferimin e sulmuesit të Manchester Cityt, Emmanuel Adebayor.

Ish-sulmuesi i Arsenalit nuk ia ka arritur që të jetë në krye të listës së dëshirave të Roberto Mancinit për ekipin e parë dhe kështu ka vendosur të largohet, por në formë huazimi te Tottenhami.

Adebayor, i cili sezonin e kaluar ishte i huazuar te Real Madridi, ka shënuar plot 81 gola në 186 paraqitje të tij për Arsenalin dhe Manchester Cityn.