Barcelonë, 28 maj - Eric Abidal nuk do të jetë më futbollist i Barcelonës. Mbrojtësi i majtë francez i ka bërë valixhet gati dhe pritet të largohet nga Camp Nou gjatë verës, shkruan e përditshmja spanjoll ‘ Mundo Deportivo’.

Gjithnjë sipas kësaj të përditshmeje, futbollisti francez, i cili u rikthye në fund të sezonit pas transplantim që pati në mëlçi, nuk bën pjesë në planet e klubit Blaugrana, prandaj do ta kërkojë një eksperiencë të re.

Katalunasit ia propozuan pozitën e ambasadorit të klubit, por veterani i mbrojtjes ndien se mund të luajë ende futboll në nivele të larta, pasi u përball dy herë me kancerin.