Prishtinë, 27 dhjetor - Zyra e Bashkimit Evropian e ka përshëndetur konstituimin e Kuvendit të Kosovës dhe e ka uruar Kryetarin dhe Kryesinë e sapo zgjedhur të Kuvendit.

Zyra e BE-se ka theksuar se pret formimin e qeverisë së re e cila do t'i mundësojë Kosovës zhvillimin ekonomik dhe sundimin e ligjit.

"Mezi presim formimin e shpejtë të qeverisë, e cila do t'i mundësojë Kosovës të vazhdojë përpara në zhvillimin e saj ekonomik dhe shoqëror, sundimin e ligjit dhe Agjendën Evropiane."

"Mezi presim të punojmë së bashku me autoritetet e reja në këto objektiva të përbashkëta", thekson Zyra e BE-së.