Mitrovicë, 30 mars - Behxhet Pacolli, zëvendëskryeministër i Kosovës, ka qëndruar të dielën pasdite në qytetin e Mitrovicës, me ç’rast është pritur nga kryetari i komunës, Agim Bahtiri.

Pacolli e Bahtiri, pasi kanë bërë një shëtitje nëpër qytetin e Mitrovicës dhe kanë vizituar disa biznese, kanë biseduar për gjendjen e përgjithshme në komunën, me theks të posaçëm për zhvillimin ekonomik dhe mundësitë e prurjes së investitorëve të jashtëm në qytetin buzë Ibrit.

Kryetari Bahtiri i ka thënë zëvendëskryeministrit Pacolli se shumë shpejt do të nis ndërtimi i fabrikës për prodhimin e kërpudhave, me investitorë japonez, për të cilën makineria e nevojshme ka arritur qysh moti dhe është duke pritur për aktivizim.

Ai e ka njoftua zëvendëskryeministrin Pacolli edhe për veprime të tjera që janë ndërmarrë me qëllim të kursimit, shtimit të efikasitetit në punë dhe ngritjes së transparencës në administratën komunale, duke theksuar me këtë rast kursimin e derivateve të naftës, krahasuar me të njëjtën periodë të vitit të kaluar, në shumë prej mbi 5.000 euro vetëm për dy muajt e parë të këtij viti.

Zëvendëskryeministri Behxhet Pacolli e ka përgëzuar kryetarin Bahtiri për punën e mirë që po bënë në drejtimin e pushtetit lokal dhe i ka ofruar mbështetje të fuqishme edhe në të ardhmen.

“Bahtiri do ta ketë mbështetjen time të fuqishme në realizimin e projekteve që kanë për qëllim zhvillimin e ekonomik të komunës, zvogwlimin e papunësisë dhe përmirësimin e gjendjes së rëndë ekonomike social që ekziston në Mitrovicë.

Ai ka një program të mirë në këtë drejtim dhe tani më ka kontaktuar shumë biznesmenë të fuqishëm ndërkombëtarë të cilët kanë shpreh gatishmërinë për të investuar në Mitrovicë dhe në këtë drejtim do ta ketë ndihmën time të pakursyer”, ka thënë ndër të tjera Pacolli,