Zbogar do t'i dorëzojë presidentes Raportin e Progresit
Ky i fundit do t’i dorëzoj presidentes Jahjaga, Raportin e Progresit për vitin 2014, për Kosovën.
E sipas raportimeve të medieve, Kosova pritet të jetë me pak progres në këtë raport.
Luftimi i korrupsionit, funksionimi i gjykatave dhe shumë pjesë të tjera të raportit përmbajnë nota negative.
Ndër problemet kryesore që Raporti i Progresit evidenton janë edhe problemet me prokurimin publik, ndikimet politike në shumë fusha dhe reformimi i administratës.
Pika më kritike është ajo ku kërkohet ndryshimi i Kushtetutës, në mënyrë që Kosova të mundësojë krijimin e Gjykatës Speciale, e cila po mbahet peng për shkak të mos krijimit të institucioneve.
