Prishtinë, 18 maj - Aleanca për Ardhmërinë e Kosovës, dega në Ferizaj, ka mbajtur të dielen mbrëma Kuvendin Zgjedhor.

Pas zgjedhjes së Këshillit Drejtues prej 30 antarëve, me vota unanime dhe pa asnjë kundër kandidat Kryetar I degës u zgjodh Xhavit Zariqi.

Po ashtu u zgjodhën edhe delegatët që do të marrin pjesë në Kuvendin Qendror të AAK-së.

Kryetari i porsazgjedhur duke falenderuar delegatët për besimin e dhënë, u zotua se do të angazhohet me të gjithë potencialin, në mënyrë që programin e AAK-së ta zbatojë në përpikëri, dhe se do të punojë në drejtim që kjo parti të gjejë përkrahje edhe më të madhe në Ferizaj.

Në këtë Kuvend Zgjedhor, ka marrë pjesë edhe kryetari I AAK-së, Ramush Haradinaj, i cili ka përgëzuar delegatët për organizimin e këtij kuvendi duke ju uruar zgjedhje të mira dhe suksese në të ardhmen.