Prishtinë, 21 shkurt - Partia e Drejtësisë ka mbajtur Kuvendin Zgjedhor edhe në Komunën e Lipjanit, me ç’rast kryetar u rizgjodh Xhavit Maholli. Po ashtu u zgjodhë edhe kryesia e re dhe delegatët që do të marrin pjesë në Kuvendin Zgjedhor të PD-së që pritet të mbahet këtë vit.

Kryetari i porsazgjedhur, Xhavit Maholli, fillimisht shpalosi programin dhe vizionin e tij për katër vjetët e ardhshme, duke potencuar se do të angazhohet që PD-ja në këtë rajon do të rritet edhe më shumë.

I pranishëm ishte edhe kryetari i Partisë së Drejtësisë, Ferid Agani, që njëherësh është edhe ministër i Mjedisit dhe Planifikimit Hapësinor.

Agani, në fjalën e tij të rasti ka potencuar se partia që ai drejton që nga themelimi ka kultivuar një politik të bazuar në vlerat e mirëfillta kombëtare dhe fetare, duke ndjekur çdo herë rrugën mesatare dhe duke luftuar në çdo formë politikat që dërgojnë në çfarëdo lloji ekstremi.

Ndryshe, Partia e Drejtësisë, në Komunën e Lipjanit përfaqësohet me një asambleist.