Prishtinë, 16 prill - Kryetari i Prishtinës, Shpend Ahmeti, ka thënë se shumë shpejt pritet ta formalizojë koalicionin me AKR-në e Behgjet Pacollit, në nivel komunal.

Këtë lajm ai e ka thënë në një intervistë në emisionin për Prishtinën, “038” në KTV.

“Shumë shpejt mund të formalizojmë bashkëpunimin me AKR-në e Behgjet Pacollit” , ka thënë Ahmeti.

AKR në Kuvendin Komunal të Prishtinës ka katër asamblistë.

Sipas burimeve të KTV-së, AKR-ja do të marrë të drejtojë drejtorinë e Bujqësisë.