Prishtinë, 1 korrik - Ministrja e Integrimeve Europiane, Vlora Çitaku, e cila ka fituar votat për t’u bërë deputete në Kuvendin e Kosovës në zgjedhjet e 8 qershorit, ka hequr dorë nga mandati i deputetes.

Komisioni Qendror i Zgjedhjeve (KQZ) në mbledhjen e sotme ka konfirmuar lajmin se Vlora Çitaku ka hequr dorë nga mandati i deputetes.

“Gjatë kësaj mbledhjeje, u bë e ditur se KQZ-ja ka pranuar heqjen dorë nga mandati i deputetes të kandidates për deputete znj. Vlora Çitaku”, është thënë në njoftimin e KQZ-së.

Sipas burimeve të “Epokës së re” ministrja në largim e Integrimeve, Vlora Çitaku pritet ta drejtojë Misionin Konsullor të Republikës së Kosovës në New York.