Vlerësohen lartë marrëdhëniet Kosovë-Austri
Të dyja palët vlerësuan lartë marrëdhëniet e mira në mes të dy shteteve dhe u pajtuan për vazhdimin e bashkëpunimit të suksesshëm në shumë fusha, me theks të veçantë në atë të drejtësisë.
Lidhur me dialogun ndërshtetëror Kosovë-Serbi, palët biseduan për implementimin e marrëveshjes së arritur duke vlerësuar si shumë të rëndësishëm nevojën e zbatimit të saj në terren.
Kickert shprehi dhe një herë mbështetjen e plotë të shtetit të tij për dialogun në mes të shtetit të Kosovës dhe të Serbisë, si dhe përgëzoj institucionet e Kosovës për angazhimin e tyre drejt përmbushjes së marrëveshjeve të dala nga ky dialog.
Zgjedhjet e 3 nëntorit u vlerësuan të jenë shumë të rëndësishme për Kosovën dhe për synimet e vendit që të vazhdojë tutje dhe me hapa të sigurtë drejt fazave të ardhshme të integrimit europian.
Në fund të takimit, Ministri Kuçi falënderoi Ambasadorin Kickert për mbështetjen e dhënë dhe shprehi gatishmërinë e Qeverisë së Republikës së Kosovës për të bashkëpunuar edhe në të ardhmen.
