Visar Ymeri përmbyll vizitën e tij në SHBA
Ata janë pritur në takim në Departamentin e Shtetit nga Drejtori i Marrëdhënieve me Evropën Qendrore dhe Jugore, Matthew Palmer, si dhe në Kongresin Amerikan nga kongresmeni Eliot Engel.
Më tej Visar Ymeri dhe Gurjeta Zeka kanë marrë pjesë edhe në një takim të organizuar nga shoqata e profesionistëve të rinj shqiptaro-amerikan në Uashington DC, ku ndër të tjerë në këtë takim ishte prezent edhe ish-ambasadori William Walker.
Në këto takime, Visar Ymeri ka shpjeguar situatën post-zgjedhore të krijuar në Kosovë pas zgjedhjeve të fundit parlametare si dhe prioritetet e programit qeverisës së Lëvizjes Vetëvendosje të cilat Lëvizja synon t’i sjell në jetë përmes formimit dhe drejtimit të qeverisë së re të Kosovës.
