Prishtinë, 12 dhjetor - Lëvizja Vetëvendosje ka reaguar lidhur me fjalimin vjetor të Presidentes në Kuvendin e Kosovës.

Në reagimin e Lëvizjes Vetëvendosje, thuhet se raporti i Presidentes Jahjaga përmbante më shumë ”premtime të thata për vitin 2013, sesa angazhime të përfunduara në vitin 2012”.

”Ajo foli për integrimin evropian dhe liberalizimin e vizave, por nuk përmendi krizën e thellë në të cilën gjendet vendi, nga aferat e shumta të kësaj qeverie të korruptuar.\"

\"Për më tepër, ajo i bëri ftesë publike Presidentit Nikoliç për takim, gjë që dëshmon se kjo Presidente është shumë më thellë në probleme me aspektin politik sesa me atë procedural”, thuhet tutje në reagim.