Prishtinë, 13 dhjetor -  Me rastin e 13-dhjetorit, Ditës së Republikës së Maltës, kryetari i Kuvendit të Republikës së Kosovës, Kadri Veseli, ka uruar kryetarin e Dhomës së Përfaqësuesve të Republikës së Maltës,Angelo Farrugia, si dhe të gjithë popullin e Maltës.

“Kam kënaqësinë e veçantë që në emër të Kuvendit dhe popullit të Republikës së Kosovës, t’ju uroj Juve dhe popullit të Republikës së Maltës, Ditën e Republikës. Ju siguroj, shkëlqesi që Republika e Kosovës ka ndjenjën e respektit dhe miqësisë për Maltën e popullin e saj, dhe jemi të bindur për thellimin e marrëdhënieve miqësore midis dy vendeve dhe popujve tanë”, thuhet ndër të tjera në urimin e kryeparlamentarit Veseli.