Prishtinë, 25 shkurt - Kryetari i Kuvendit të Republikës së Kosovës, Kadri Veseli, ka takuar sot Prenk Gjetajn, kryetar i Komisionit qeveritar p ër personat e zhdukur.

Në takim, Kryetari Veseli u njoh me punën e komisionit Qeveritar për Personat e zhdukur dhe vështirësitë me të cilat ballafaqohet ky komision.

Kryetari Veseli shprehu respekt për angazhimin e komisionit dhe stafit profesional të angazhuar në këtë proces, duke ofruar ndihmën maksimale nga cilësia e Kryetarit të Kuvendit, brenda mundësive të legjislacionit, që ky proces i dhimbshëm për të gjithë, të përmbyllet sa më shpejt.

“Dhimbja e familjarëve dhe të dashurve të personave të zhdukur vijon të jetë prekëse për të gjithë ne. Duhet angazhim maksimal institucional që ky proces i dhimbshëm, të përmbyllet”, theksoi kryetari i Kuvendit të Kosovës, Kadri Veseli.