Prishtinë, 8 shkurt -  Kryetari i Kuvendit të Kosovës, Kadri Veseli, nëpërmjet një deklarate për medie ka deklaruar se takimi i liderëve partiak i mbajtur me iniciativën e presidentes, Atifete Jahjaga, është një hap pozitiv në drejtim të shtensionimit të situatës politike.

“E përgëzoj presidenten Jahjaga për këtë iniciativë të saj dhe njëkohësisht e inkurajoj që të vazhdojë edhe më tutje, që në këtë mënyrë, ta ndihmojë dialogun e domosdoshëm në mes të pozitës dhe opozitës, në funksion të tejkalimit të situatës së krijuar”, ka thënë kryeparlamentari Veseli. Ai ka theksuar se dialogu institucional është rruga e vetme e ecjes përpara të vendit tonë. “Qytetarët e Republikës së Kosovës e presin këtë nga të zgjedhurit e tyre”, ka thënë Veseli.