Prishtinë, 19 maj -  Zëvendëskryetari i Partisë Demokratike të Kosovës (PDK), Kadri Veseli, ka thënë se përkushtimi i qytetarëve për ta zhvilluar shtetin dhe angazhimi i strukturave lokale e qendrore, garanton se fitorja e PDK-së do të jetë e thellë, jo vetëm në Zhabar e Mitrovicë, por në tërë Kosovën.

Veseli në profilin e tij në “Facebook”, ka shkruar se së bashku me kandidatët për deputetë të Komunës së Mitrovicës, kanë vizituar fshatin Zhabar, me ç’rast kanë gjetur një çerdhe të zjarrtë të anëtarësisë besnike të PDK-së. “Përkushtimi i qytetarëve tonë për ta zhvilluar shtetin dhe angazhimi i strukturave lokale e qendrore na garantojnë se fitorja e PDK-së do të jetë e thellë, jo vetëm në Zhabar e Mitrovicë, por në tërë Kosovën”, ka shkruar Veseli.