Prishtinë, 10 dhjetor -  Gazeta prestigjioze franceze “Le Monde”, ka bërë një reportazh për gjendjen në Kosovë, në kontekst të radikalizmit islamik dhe ka zhvilluar një bisedë me kryetarin e Kuvendit, Kadri Veseli. 

Gjatë luftës 1998-1999, të udhëhequr nga shqiptarët e Kosovës, për tu ndarë nga Serbia, propaganda serbe e përshkruante UÇK-në si një grup të rrezikshëm islamist, vazhdon përshkrimin “Le Monde”.

“Nuk ka qenë kurrë luftë e religjionit”, citohet të ketë thënë për “Le Monde”, Kadri Veseli, kryetar i Kuvendit.

Më 27 nëntor, dy javë pas atentateve të Parisit, sipas “Le Monde”, Kadri Veseli ka vizituar Medresenë e Prishtinës. Mesazhi i tij adresuar 500 nxënësve ishte i dyfishtë. Riafirmimi i ndarjes në mes të Shtetit Islamik dhe fesë në Kosovë, si dhe rikujtimi që \"autorët e atentateve janë armiq të Zotit dhe të besimit, grupe kriminele që kërkojnë shkatërrimin e shpirtit tanë, tolerancës fetare dhe solidaritetit\", shkruan “Le Monde”, duke parafrazuar kryeparlamentarin Veseli.