Ferizaj, 21 janar - Drejtoresha e USAID-it Maureen A. Shauket, e shoqëruar nga Kryetari i Komunës së Ferizajt, do të shpallin Programin e Lidershipit Transformues të USAID-it.  

Programi i Lidershipit Transformues është një program i ri i cili lansohet këtë muaj dhe i cili do të ofroj mundësi të reja në arsim për qindra lider të rinj që janë në ngritje e sipër në Kosovë, përmes bursave, partneriteteve, dhe këmbimit me universitetet Amerikane. 

Agjencioni i Shteteve të Bashkuara për Zhvillim Ndërkombëtar(USAID) është në proces të prokurimit të shërbimeve për të implementuar Programin e Bursave dhe Partneritetve për Lidership Transformues, program ky pesëvjeçar që ka për qëllim zhvillimin e mëtutjeshëm të një kuadri profesionist të liderëve që do të mund të shtyejnë përpara zhvillimin substancial ekonomik, politik dhe shoqëror në Kosovë.

Programi do të mbështes një minimum prej 160 bursave për studime të nivelit master në Sh.B.A., nga fushat e Sundimit të Ligjit, Shkencave Inxhinjerike, Administratës Publike, Bujqësisë, Menaxhimit të Ndërmarrjeve, Financave, Ekonomisë, Sistemeve Informatike, Edukimit, Studimeve Gjinore, dhe Studimeve Ndërdisciplinare, deri në muajin shkurt të vitit 2019.