​Prishtinë, 26 prill - Nënkryetari i Komunës së Prishtinës, së bashku me Drejtuesen e Kabinetit të Kryetarit, Fitore Pacolli, pritën në takim një delegacion nga UNDP.

Nënkryetari Sejdiu informoi përfaqësuesit e UNDP-së mbi zbatimin e Planit të Integritetit në Komunën e Prishtinës, luftën kundër korrupsionit dhe transparencën radikale në qeverisje.

Ai poashtu potencoi që Komuna e Prishtinës u zgjodh Komuna më transparente pa asnjë vlerësim negativ nga indeksi i transparencës organizuar nga OJQ Çohu.

Përfaqësuesit e UNDP-së theksuan se ata janë të kënaqur me performansën e Komunës së Prishtinës dhe u zotuan për bashkëpunim të mëtutjeshëm në projekte të përbashkëta.