Ulqin, 14 shkurt -  Pas mbledhjes që u mbajt të enjten në Ulqin, Forca e Re Demokratike, koalicioni “Bashkë për të ardhmen e Ulqinit” dhe Mali i Zi Pozitiv, erdhën deri tek një marrëveshje. Kështu, ata fituan shumicën e mandateve në kuvendin e Ulqinit.

Së bashku ata kanë 17 mandate, gjë që bën që fati i Ulqinit në katër vitet e ardhshme t’i takojë përsëri shqiptarëve.

Nga Këshilli Qendror i Forcës kanë lajmëruar se kanë pranuar të gjitha kërkesat e Fatmir Gjekës dhe se postin e kryetarit të Komunës do ta marrë pikërisht ai në katër vitet e ardhshme.

Me këtë është pajtuar edhe bartësi i listës Mali i Zi Pozitiv, Dritan Abazoviq.