Prtishtinë, 17 shkurt  -  Zëvendëskryeministri i parë, njëherësh ministër i Punëve të Jashtme, Hashim Thaçi, ka thënë se ndihet krenar për festimet dinjitoze të qytetarëve me rastin e 17 shkurtit-Ditës së Pavarësisë.

Po ashtu, Thaçi ka vlerësuar qytetarët për protestën. “Ndihem krenar me festimet dinjitoze të qytetarëve tanë në Ditën e Pavarësisë. Kjo ditë sublimon përpjekjet e gjata të gjeneratave të tëra që u sakrifikuan për lirinë dhe çlirimin e Kosovës. Po ashtu, vlerësoj lart qytetarët që protestuan në mënyrë të qetë. 17 Shkurti është ditë e të gjithë qytetarëve të Kosovës, pa dallim partiak dhe etnik. Jam krenar me qytetarët dhe shtetin e Kosovës”, ka shkruar Thaçi në profilin e tij në “Facebook”.