Prishtinë, 14 korrik - Kryeministri në detyrë Hashim Thaci, i ka uruar francezët për 14 korrikun, ditën kombëtare të Francës.

“14 korriku është dita kombëtare e Francës. Unë dëshiroj që ti uroj popullit mik francez gëzuar këtë festë të lavdishme e të shpreh mirënjohjen e madhe që Kosova ka dhe do të ketë përherë për ndihmën bujare që na ka dhënë ky vend. Kjo datë kujton Revolucionin Francez të vitit 1789 dhe i gjithë njerëzimi është mirënjohës ndaj Francës dhe e kujton me nderim këtë ngjarje që ka pasur ndikim të jashtëzakonshëm emancipues anembanë Evropës. Ky revolucion jetësoi vlerat iluministe të lirisë, vëllazërisë dhe barazisë duke hedhur hapat e para drejt ndërtimit të një shteti modern të unitetit kombëtar, ku sovran është vullneti i popullit, ku qeverisja bëhet në frymën e ligjeve, ku mbizotëron laiciteti dhe ku të gjithë qytetarët janë të barabartë para ligjit.