Prishtinë, 25 mars - Kryesia e Kuvendit të Kosovës i ka dhënë përgjigje pozitive kryeministrit të vendit, Hashim Thaçi, që të raportojë para deputetëve në seancën e ardhshme plenare, rreth takimit me kryeministrin e Serbisë, Ivica Daçiq.

Kryesia ka vendosur që raportimi i shefit të ekzekutivit të mbahet të enjten.

Thaçi ka takuar javën e kaluar Daçiqin, në rrethin e shtatë të bisedimeve.

Palët kanë thënë se është shënuar përparim, por jo edhe marrëveshje.

Bisedimet kanë për qëllim normalizimin e marrëdhënieve midis dy vendeve.