Prishtinë, 20 maj -  Lideri i PDK-së, Hashim Thaçi do të nominohet sot (e martë) edhe zyrtarisht si kandidat për kryeministër të Republikës së Kosovës.

Ai ka shkruar në profilin e tij në “Facebook” se në mandatin e ardhshëm, si kryeministër, synon zhvillimin ekonomik dhe krijimin e vendeve të reja të punës.

“Të martën në ora 18:00, para lidershipit dhe anëtarësisë së Partisë Demokratike të Kosovës, para tërë popullit të Kosovës, do ta pranoj nominimin për kryeministër të Republikës. Synimi im është ta përfundojmë me sukses Misionin e Ri, zhvillimin ekonomik dhe krijimin e vendeve të reja të punës. Fjalimin tim dhe pjesët e programit mund ta ndiqni live”, ka shkruar Thaçi.