Pishtinë, 12 gusht -  Zëvendëskryeministri, njëherësh ministër i Punëve të Jashtme, Hashim Thaçi, me rastin e Ditës Ndërkombëtare të Rinisë, ka thënë se rinia është pasuria më e çmuar e vendit tonë.

Thaçi në profilin e tij në “Facebook”, ka shkruar se tani është koha që në Kosovë të jetësohen në tërësi politikat për fuqizimin e rinisë.

“Ju të rinjtë kosovarë jeni pasuria më e çmuar e vendit tonë. Rinia jonë është ajo që duhet t’i japë shtytje dhe t’i prijë zhvillimit të vendit. Me energjinë, shkathtësitë dhe kreativitetin tuaj, askush nuk do të mund të na ndalë në bërjen e Kosovës një shoqëri dhe shtet shembull për të gjithë rajonin\", ka theksuar ai.

Sioas tij në periudhën e tranzicionit të gjithë jemi përballur me sfida jo të lehta politike.

\"Tani është koha që t’i jetësojmë në tërësi politikat për fuqizimin e rinisë, asetin kryesor për konsolidimin ekonomik dhe rrugëtimin evropian të Kosovës”, ka thënë Thaçi.