Prishtinë, 21 shtator - Zëvendëskryeministri Hashim Thaçi, njëherësh ministër i Jashtëm i Kosovës, sot ka pritur Ambasadorin e Shtetit të Kuvajtit në Tiranë, Najeeb A. Al-Bader.

Ambasadorin Najeeb A. Al-Bader, zëvendëskryeministri Thaçi e ka falënderuar për përkrahjen që Kuvajti po jep për anëtarësimin e Kosovës në UNESCO dhe së bashku kanë diskutuar edhe për thellimin e bashkëpunimit në rrafshin ekonomik.

Zëvendëskryeministri Thaçi dhe ambasadori Al-Bader kanë diskutuar edhe për marrëveshjen për Komitetin e Përbashkët të Bashkëpunimit dhe marrëveshjen për mbrojtjen e investimeve, që tashmë janë finalizuar.

Por, edhe për disa marrëveshje të tjera për bashkëpunim ndërshtetëror në bujqësi dhe arsim.