Prishtinë, 2 prill - Kryeministri i Kosovës, Hashim Thaçi, ka thënë se qëndrimi i Kosovës ndaj krizës në Ukrainë është i qartë dhe përkon drejtpërdrejt me qëndrimin e Bashkimit Evropian dhe Shteteve të Bashkuara.

“Kemi një qëndrim të përbashkët me Brukselin dhe Uashingtonin”, ka thënë Thaçi, duke u përgjigjur në pyetjet e gazetarëve në Prishtinë, gjatë një vizite që i bëri Qendrës për Mbrojtjen e Grave dhe Fëmijëve.

Muajin e kaluar, Rusia ka aneksuar gadishullin ukrainas të Krimesë, pas një referendumi që Perëndimi e ka quajtur të jashtëligjshëm. Një veprim i tillë është dënuar nga komuniteti ndërkombëtar, i cili ka vendosur sanksioneve ndaj zyrtarëve rusë.