Thaçi, Mustafa e Pacolli informojnë Jahjagen për zgjedhjet
Tre udhëheqësit e partive politike e informuan Presidenten Jahjaga për hapat e ndërmarrë për zgjidhjen e ngërçit politik në Kuvend dhe për qëndrimin e tyre që vendi të hyjë në procesin zgjedhor në një afat sa më optimal.
Presidentja Jahjaga u bëri me dije udhëheqësve të partive politike qëndrimin se veprimet e saj do të jenë në përputhje të plotë me Kushtetutën dhe ligjet e Kosovës, se do të veprojë menjëherë pas vendimit të Kuvendit të Kosovës për shpërbërjen e tij dhe se pas këtij vendimi të Kuvendit, në pajtim me Kushtetutën dhe ligjet e Republikës së Kosovës, do të ftojë të gjitha partitë politike në Kosovë për konsultime për përcaktimin e datës së zgjedhjeve.
