Prishtinë, 26 dhjetor - Brenda një viti në krye të shtetit presidenti i Kosovës, Hashim Thaçi, është treguar si lider i dobët në politikën e jashtme dhe në ruajtjen e unitetit brenda kombit.

Madje, sipas analistëve politikë, Thaçi është treguar president më i dobët sesa ish-presidentja Atifete Jahjaga, e cila doli nga “zarfi” dhe nuk kishte përvojë politike.

Po ashtu analistët vlerësojnë se presidenti i ka neglizhuar problemet me të cilat është përballur vendi e për të cilat do të mund të merrte diçka konkrete.

Ndërsa pika më e dobët e presidentit Thaçi, sipas tyre, është mungesa e liderit unifikues. Në opozitë, ndërkaq, Thaçin e konsiderojnë si kryetar të PDK-së dhe jo si president.

/Zëri/