Prishtinë, 15 shtator - Zëvendëskryeministri i parë i Kosovës, Hashim Thaçi, në Ditën Ndërkombëtare të Demokracisë, ka thënë se shoqëria civile është duke luajtur një rol të rëndësishëm në ruajtjen e demokracisë.

Ai në profilin e tij në “Facebook”, ka shkruar se Kosova ka një shoqëri civile të fuqishme. “Sot shënojmë Ditën e Demokracisë, duke kujtuar parimet themelore të saj dhe përkushtimin e sakrificën që kemi bërë për ta instaluar demokracinë në vendin tonë.

Sivjet, në linjë me moton e kësaj dite për vitin 2015, kujtojmë rolin e rëndësishëm që luan shoqëria civile në ndërtimin dhe ruajtjen e parimeve të demokracisë dhe i gëzohemi faktit që kemi një shoqëri civile të fuqishme dhe në rritje të vazhdueshme”, ka deklaruar Thaçi.