Thaçi: Greqia duhet ta shohë Kosovën si mike dhe përkrahëse
Në këtë takim, presidenti Thaçi dhe sekretari Giorgos Tsipras biseduan për bashkëpunimin e ndërsjellë, për perspektivën evropiane dhe për partneritetin strategjik në mes të Prishtinës dhe Athinës.
Presidenti Thaçi falënderoi për përkrahjen që Greqia i ka dhënë Kosovës në organizata ndërkombëtare dhe, duke iu referuar suksesit të investitorëve grekë në Kosovë, shprehu nevojën për thellimin e bashkëpunimit të mëtejmë në ekonomi.
Ndërsa, sekretari Giorgos Tsipras e vlerësoi angazhimin e Kosovës për marrëdhëniet me fqinjët në rajon dhe shprehu gatishmërinë për thellimin e marrëdhënieve bilaterale, duke ripërsëritur ftesën për hapjen e zyrës së Kosovës në Athinë.
Presidenti Thaçi u shpreh se Greqia duhet ta shohë Kosovën si mike dhe përkrahëse.
