Prishtinë, 17 shtator -  Ministrja për Dialogun, Edita Tahiri, ka bërë me dije se takimi i radhës në kuadër të dialogut teknik në Bruksel është paraparë të mbahet në fund të këtij muaji.

Ajo ka treguar për “Epokën e re” se një nga temat kryesore të këtij takimi do të jetë çështja e tabelave provuese të cilat po aplikohen nga shtetit serb. “Takimi i radhës në Bruksel për dialog teknik është paraparë të mbahet më 28, 29 apo 30 shtator. Një prej temave kryesore të këtij takimi është çështja e heqjes së tabelave provuese që është duke i aplikuar Serbia aktualisht”, ka thënë Tahiri.