Prishtinë, 6 qershor - Sot në mesnatë përfundon fushata dhjetëditëshe për zgjedhjet e parakohshme të 8 qershorit. 

Partitë politike do të vazhdojnë edhe sot tubimet përmbyllëse me zotimet për rritje të shpejtë ekonomike dhe krijimin e qindra- mijëra vendeve të punës gjatë katër viteve të ardhshme.

Komisioni Qendror i Zgjedhjeve ka njoftuar se janë bërë përgatitjet finale për zgjedhjet e së dielës në Kosovë.

Në garë janë 31 subjekte politike; nga to 19 parti politike, 7 nisma qytetare, 4 koalicione dhe 1 kandidat i pavarur. Në garë, në total janë rreth 2 000 kandidatë që garojnë për 120 vende në Parlamentin e Kosovës.