Prishtinë, 19 mars - Lëvizja për Bashkim sot organizon protestë mbarë popullore para ndërtesës së Qeverisë së Kosovës, kundër ndarjes së Mitrovicës dhe Preshevës.

Protesta që do të mbahet  në orën 14:00, do të fillojë para Teatrit Kombëtar me  moton:  “Të gjithë kundër ndarjes së Mitrovicës dhe për Preshevën”.

Avni Klinaku, kryetar i Lëvizjes për Bashkim në Kosovën  ka njoftuar opinion e gjerë se LB-ja e shqetësuar  për rrjedhën e bisedimeve mes Prishtinës dhe Beogradit, fton gjitha subjektet politike dhe  qytetarët e Kosovës dhe Luginës së Preshevës që t’i bashkohen protestës së këtij subjekti.

Qëllimi i protestës është për t’i bërë me dije publikut të gjerë se qeveria e Kosovës dhe Brukseli, të provokuar nga projekte serbe, padrejtësisht kanë injoruar 13 vite me radhë dy çështje të rëndësishme, ndarjen e Mitrovicës në kundërshtim me vullnetin e popullit dhe harresa e shqiptarëve etnik në Luginën e Preshevës, raporton agjensia e lajmeve “Presheva Jonë”.