Mitrovicë, 17 nëntor - Shefi i Misionit të OSBE-së në Kosovë, Ambasadori Jean-Claude Schlumberger, do t’i vizitojë sot vendvotimet në Mitrovicë të Veriut.

Schlumberger do të vizitojë shkollën teknike në orën 11:00, për të vazhduar më pas me shkollën ‘Sveti Sava’ dhe atë të mjekësisë. 

Zgjedhjet në tri qendra në Mitrovicë të Veriut po përsëriten pas dhunës që ndërpreu votimin në raundin e parë të mbajtur me 3 nëntor 2013. OSBE është duke i lehtësuar zgjedhjet në katër komunat në veri të Kosovës, në pajtim me “Marrëveshjen e parë të parimeve që rregullojnë normalizimin e marrëdhënieve” të arritur në muajin prill, në kuadër të dialogut të ndërmjetësuar nga BE-ja në mes të Beogradit dhe Prishtinës.