Mitrovicë, 4 qershor - Anëtarët e Komisionit Qendror Zgjedhor e konsiderojnë të palogjikshme, antikushtetuese që qytetarët serb të votojnë pa pasur asnjë dokument identifikimi të shtetit të Kosovës.

Serbët që jetojnë në veri të Kosovës nuk duhet të marrin pjesë në zgjedhjet lokale nëse nuk dëshmojnë se janë qytetarë të Kosovës, shkruan Tribuna.

Komisioni Qendror Zgjedhor mban këtë qëndrim pas inkurajimit që i kanë bërë zyrtarët e Qeverisë së Serbisë, banorëve serbë të Kosovës për të mos u pajisur me dokumente që dëshmojnë shtetësinë e Kosovës.