Serbët e veriut do shpallin pavarësinë
Zëvendëskryeministri Hajredin Kuçi paralajmëron se një akt i tillë do të trajtohet si joligjor. Një grup liderësh radikalë të serbëve po bëhen gati që ta shpallin pavarësinë e pjesës Veriore të vendit, aty ku në katër komuna ata janë popullatë shumicë.
Vendimi i mundshëm i serbëve të kësaj pjesë të Kosovës vjen si pasojë e marrëveshjes së arritur në Bruksel mes dy kryeministrave, Hashim Thaçit dhe Ivica Daicicit.
Burime të Express, brenda Agjencisë Kosovare të Inteligjencës, bëjnë të ditur se diçka e tillë pritet të ndodhe ditëve të ardhshme, ndërsa sipas tyre, një mundësi e tillë është planifikuar për vite me radhë.
Shpallja e pavarësisë së njëanshme, ndërkaq, sipas burimeve të Express, po shihet si mundësia e vetme e serbëve radikalë që të arrihet qëllimi i ndarjes së Kosovës, pas arritjes së marrëveshjes në Bruksel.
