Prishtinë, 23 prill - Ish-Presidenti i Kosovës Fatmir Sejdiu dhe ish-ushtruesi i detyrës në këtë post, Jakup Krasniqi, pas tre muajsh mund të përballen me drejtësinë.

Amnistia ndaj disa të burgosurve, duke u bazuar në kompetencat që kishin, Sejdiu si President e Krasniqi si ushtrues detyre në këtë post, mund të çojë drejt ngritjes së aktakuzës ndaj tyre.

Burime të Express nga hetuesia tregojnë se me urdhër të Prokurorisë së Qarkut në Prishtinë, tashmë ka nisur mbledhjen e të dhënave në lidhje me këtë çështje.

“Mbledhja e të dhënave ka filluar nga niveli më i ulët, siç janë zyrtarët e shërbimit korrektues, për të vazhduar në Ministri të Drejtësisë”, thotë ky zyrtar i afërt me këtë proces.