Gjilan, 23 maj - Të premten degës së AKR në Gjilan iu bashkua një pjesë e Kryesisë dhe  e Forumit Rinor nga Partia e Drejtësisë, të bindur në programin e AKR, programi i së cilës  Kosovës në këto momente i duhet më së shumti.

Alisahit Shaqiri tashmë ish nënkryetar i Partisë së Drejtësisë dega në Gjilan, Prof. Sadulla Ramizi , themelues i këtij subjekti politik dhe Besnik Poroshtica  anëtarë, me një pjesë të Kryesisë dhe  pjesës dërmuese të Forumit Rinor, kanë braktisur Partinë e Drejtësisë dhe kanë zgjedhë të jenë anëtarë të Aleancës Kosova e Re.

“ Të indinjuar  nga procedurat dhe mënyra e udhëheqjes me degën, si dhe me tendencën e anashkalimit dhe të injorimit të pjesës më të madhe të Kryesisë së degës nga ana e udhëheqësisë nga qendra në Prishtinë për përkrahje të njëanshme , ne si pjesë e kryesisë  shprehëm interesim për t’u renditur në gjirin e AKR , me qëllimin më të mirë për të dhënë  kontributin tonë në proceset politike në Kosovë”, tha  Alisahit Shaqiri, ish nënkryetar i PD dega në Gjilan.

Kryesia e AKR dega në Gjilan të aderuarve iu bënë pritje e përzemërt. Agim Rexhepi, kryesuesi  i AKR me kët rast iu shprehi mirëseardhje. “Këtu jeni në shtëpinë tuaj,  AKR është e hapur, është parti liberale,  ku të gjithë do të ndihen të barabartë”, tha në mes tjerash Rexhepi.   

Ideologjia e AKR është mirëqena e qytetarit njëherit është  synim i vazhdueshëm dhe të gjitha përpjekjet do të bëhen në këtë drejtim. Kjo do të arrihet me punë, dhe Kosovës sot i nevojiten heronj të punës siç potencon shpesh presidenti Behxhet  Pacolli. 

Aleanca Kosova e Re  do të dëshmoj  se është  aftë të krijon perspektivë për qytetarin, rrethin dhe shoqërinë në tërësi. Kosovës i nevojitet një politikë e mirëfilltë me programin e  ekonomik, çfarë e ka Aleanca Kosova e Re.